رئيس مجلس الإدارة ناصر الزيني

رئيس التحرير سماح منير

حوادث

الحقيقة وراء أحمد ماهر هاكر الفيس والواتس

مين أحمد ماهر؟
احمد ماهر زي اي شاب مصري مواليد 1992عمل في الكثير من الشركات. وتركها لان كان دايما طموحه أعلي من اصحابها وفي هذه  الفترة اتعلم برمجة وتسويق وعمل برنامج  AMControl البرنامج ده اول ما اتعمل ماكنش فيه غير 5 او 6 ادوات وواحدة واحدة اتعمل منه الاصدار التاني لحد ما وصل للاصدار التالت اللي وصل الي حوالي 68 آداة مفيش مسوق مش بيدور علي ادوات تساعده في شغله ومش هيلاقيها فيهم وحقق منه مبيعات كبيرة ما شاء الله.

 الأدوات دي فادت المسوقين والشركات ف ايه؟ انهم ينجزوا مهام عملهم في وقت اسرع ويحققوا نتائج احسن ليهم ولعملائهم
هذا الشاب كان سببا في تشغيل الكثير من الشباب . وشباب مكانش لايعرف ايه ربح من الانترنت سواء في شغل التسويق بالعمولة او الربح من اليوتيوب وجوجل وغيرها من مصادر الرزق الكتير علي الانترنت

غير انه كان يعطى نسخ كتير مجانا  تشجعا الشباب انهم يشتغلوا ويطلعوا كل ابداعاتهم ويفتحلهم باب رزق
وحقيقي اكتر حاجة بتفرحه لما كان بيشوف الشباب دي بتنجح زايه واكتر منه كمان

أمس احمد ماهر تم القبض عليه بتهمة انهم وجدوا معاه هاتف موبايل و جهاز لاب توب "بحصهم فنياً تبين وجود آثار ودلائل عبارة عن ملفات لصناعة وإنشاء البرنامج المشار إليه ، كما تبين وجود عدد كبير من البيانات لا يمكن حصرها - تتضمن أسماء الحسابات الخاصة بموقع"فيس بوك" وأرقام الهواتف والبريد الإلكترونى الخاص بكل حساب"
ده كان جزء من البوست اللي نزل علي صفحة وزارة الداخلية الرسمية

اولا الداتا دي اي حد يقدر يشوفها لانك بتكون عارضها علي حسابك علي الفيس بوك فكرة اي برنامج بقي انه بيسهل وبيسرع اي عملية بتتم دي حاجة ضمن حاجات كتير جدا الكنترول بيساعد فيها فين بقي المشكلة؟!!
طيب سؤال واضح وصريح هو شركات الاتصالات مش بتبيع داتا العملاء؟!! شركات الاتصالات مش بتبعتلك رسائل علي موبايلك بتقولك اشترك علي كذا او بتبعتلك اي رسائل لاي براندات تانية؟!!

طيب بلاش دي شركة الحشرات اللي مصر كلها بتستقبل الرسائل بتاعتها جابت الداتا بتاعتنا منين؟!!
هل دي تهمة تنسب لفرد؟!! ماتروحوا للشركات الكبيرة ولا الشركات دي علشان معاها ملايين جايين علي الضعيف ؟!!


الفيس بوك يعطى لكل شخص يمتلك موقع علي الانترنت امكانية انه يجمع داتا العملاء اللي بتزور موقعه عن طريق آداة بيكسل بداخل كل حساب اعلاني يبقي كل الناس دي بقي تروحوا تحاسبوهم؟؟

لو هتقبضوا علي هذا الشاب  يبقي روحوا اقبضوا علي اصحاب شركات الاتصالات اللي مجمعة كل الداتا بتاعتنا وبتبيعها للشركات زي اللي ذكرتها
الشاب  ده بسببه بعد ربنا سبحانه وتعالي بيوت ناس مفتوحة كتير وشباب شغال مش قاعد علي قهاوي زي خيبيتهم اللي بنشوفهم متلقحين بياخدوا المصروف من بابا وماما واللي فيهم مقضيها حشيش ومخدرات وقرف في ملاهي ليلية احمد ماهر عمل كيان في اكبر مسوقين في مصر واكثرهم احترافية بسبب شروحاتة وادواتة وافكارة

الناس دي فيها اللي بيشتغلوا في كل المجالات زي العقارات وبيحققوا مبيعات لشركات كبيرة في مصر وشغالين وعجلة البيع والشراء دايرة وفيهم اللي بيشتغل تسويق بالعمولة لمواقع كبيرة زي سوق كوم وجوميا وامازن وفيهم اللي بيشتغلوا في التسويق علي برامج التواصل زي الواتس اب والتليجرام وغيرها من البرامج
وفيه وفيه وفيه وفيه مش هنخلص من كتر ما هنتكلم عن الخدمات اللي بتتعمل وشباب بيسترزق منها
مش عايز اطول اكتر من كده  هذا الشاب العبقري لا ضر البلد في حاجة ولا ضر الشباب في حاجة بالعكس هو شركته ليها سجل تجاري وبطاقة ضريبية ومرخصة يعني بيفيد البلد وكمان بيفيد شباب البلد وكل ذنبة انة عبقري وشاب ذكي جدا في بلد الغباء والجهل
هل يكون  جزاء شاب مصري عبقري انه يتقبض عليه ويتشهر بيه بالشكل ده؟
 

حوادث