كشفت الفنانة مريم الخشت كواليس تعاونها مع الفنانة نيللي كريم في مسلسل "عملة نادرة"، المنتظر عرضه في سباق مسلسلات رمضان 2023.

وقالت مريم الخشت ":الأستاذة نيللي جميلة بشكل مكنش في بالي خالص، كنت بحبها جدا جدا كممثلة من زمان، لكن على المستوى الإنساني ابهرتني، وأنا كنت عارفة ومتاكدة أني هبقى مبسوطة في الشغل معاها، لأنها موهبة بحترمها جدا، لكن المستوى الإنساني مكنتش متخيلة الجمال ده".

وتابعت مريم الخشت:"بصراحة شخص سلسل وحقيقية وشفافة جدا يعني، فظيعة، غير أن الموهبة بتاعتها طلعت اكتر مما كنت متصورة، اني بقيت بشوف هي قبل ما الكاميرة تدور، وبعد ماتدور هي فين؟.. يعني عادي ممكن تبقى بتضحك وتهزر وخفيفة جدا، وأول منبدأ نصور بتتحول في ثانية قدام عينيا، بجد شخصية وممثلة مبهرة".

مسلسل عملة نادرة يتولى بطولته الفنانة نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفي، على الطيب، مريم الخشت، نهى صالح، ومحمد فهيم، رمزي العدل، وهشام عاشور، تأليف مدحت العدل وإخراج ماندو العدل وإنتاج شركة العدل جروب للمنتج جمال العدل.