تحدثت الفنانة شهيرة، عن كيفية معاملة زوجها الراحل محمود ياسين مع المعجبات، مشيرة إلى أنه كان متفهًما وكان يحرص على طمأنتها والتأكيد لها أنها أفضل من أي فتاة أخرى في نظره.

وقالت شهيرة خلال لقاءها في برنامج تلفزيوني: كنت لما ألاقي واحدة داخلة عاوزه تخرب البيت باخد موقف وأتكلم معاه، إنما لو إعجاب وكده هو قادر يتصرف وله حدود، لكن لما تكون واحدة عاوزه تاخدوا مني وتتجوزه أتكلم معاه وهو كان بيقول لي عارفة المقص اللي بتقصي به ضافر رجلك برقبة الناس دي كلها.

وأضافت شهيرة: الراجل مهم أنه يطمن شريكة حياته ويحسسها أنها أهم من أي واحدة ويطبطب عليها وفي رجالة بيعملوها خناقة ويكبروا المشكلة أكتر لكن المفروض يطبطب عليها وياخدها في حضنه.

وفي السياق ذاته، أعربت شهيرة، عن عدم قدرتها على تخطي شعور فقدان زوجها الراحل، مشيرة إلى أنها كانت طوال فترة زواجها منه تنادي عليه بالمساء قبل نومها، وما زالت تفعل هذه العادة حتى الآن.

وأضافت: بيتهيألي إنه بيرد عليا، الله أعلم يمكن تخيلات، بس لازم أنده عليه كل يوم قبل ما أنام، حتى أثناء مرضه كنت أنده عليه ويرد عليا، وللأسف مش عارفة أتخلص من العادة دي، لافتة إلى أنها تلجأ للمهدئات في بعض الأحيان لكي تتمكن من النوم.

وتابعت: متفاجئة من نفسي، مع إن كان عندنا مقدمات لرحيله في فترة مرضه، ولما حصل ورحل، كأن مكنش فيه أي مقدمات، ساعات باخد مهدئ علشان أنام.