كشفت الفنانة شيرين عبد الوهاب تفاصيل علاقتها بالطبيب نبيل عبد المقصود، مؤكدة أنها لم تتعالج من إدمان المخدرات، بجانب الحديث عن مساعدة بناتها لها في أزمتها.

وقالت شيرين عبد الوهاب خلال لقائها مع الإعلامية إسعاد يونس في برنامج صاحبة السعادة: هو عشان أنا روحت لدكتور إدمان لازم أكون بتعالج من الإدمان؟ هو صاحبي قبل ما يكون طبيبي، والإدمان مش شرط يكون مخدرات دا فيه إدمان أدوية وإدمان عادات سيئة، ومكنتش بنام غير بمنوم ودوا للأفكار اللي في بالي، والحمد لله دلوقتي حتى برشام الصداع مش باخده، وعلاجي ملهوش علاقة بالمخدرات أنا فلة شمعة منورة.

كما تطرقت شيرين عبد الوهاب للحديث عن مساعدة بناتها لها في أزمتها الأخيرة مع طليقها حسام حبيب، قائلة: أنا قلبي بابه اتقفل خلاص وبقيت مبسوطة باللي أنا فيه وشوفت أن فيه ناس كويسة وزمان كنت فاكرة إن الناس كلها طمعانين فيا، ووصلت لمرحلة كنت بطلب المساعدة من بناتي وبقولهم ساعدوني في تربيتكم أنا مش عارفة أعمل إيه، وفي مرة بنتي لخصت كل حاجة في كلمتين وفوقتني وقالت لي يا ماما دا مينفعكيش ومن ساعتها أنا اتغيرت.

كما أعربت شيرين عبد الوهاب عن امتنانها لدعم جمهورها لها، قائلة: أنا ممتنة لكل شخص في الشارع وكل شخص قال لي كلمة حلوة ودعمني.. أنا لولا الجمهور عمري ما كنت هرجع تاني.